انڈیا ایم کیو ایم کو فنڈنگ کرتا تھا:انکشاف

ثابت ہوگیا انڈیا ایم کیوایم کو فنڈنگ کرتا رہا ہے

محمد انور جو کہ ایم کیو ایم لندن کے سابق رہنماء ہیں  نے انکشاف کیا ہے کہ ایم 

کیو ایم کا انڈیا سے فنڈنگ کا معاملہ  حقیقت ہے۔ ان کا کہنا تھا کہ 90  کی دہائی 

میں ندیم نصرت نے انڈین سفارتکار سے میری ملاقات کروائی ہمیں انڈین حکومت 

جو بھی رقم دیتی تھی پارٹی قیادت کو دے دی جاتی تھی ۔ انہوں نے اپنے ایک بیان 

میں حقائق سے پردہ اٹھاتے ہوئے کہا کہ جب 90 کی دہائی میں ندیم نصرت 

نےانڈین سفارتکار سے وسطی لندن میں میری ملاقات کروائی

تو اس  کے بعد انڈین حکومت سے ہمیں فنڈنگ ملنا شروع ہوگئی۔ مجھے 

انڈین  حکومت سے جو بھی رقم ملتی پارٹی قیادت کو دے دیتا تھا۔ اس میں سے میں 

نے کبھی ایک روپیہ بھی اپنی ذات پر خرچ نہیں کیا۔

انہوں نے مزید کہا کہ عمران فاروق قتل کیس سے میرا کوئی لینا دینا نہیں ۔میرے 

ان سے بہت اچھے تعلقات تھے۔انہوں نے کہا کہ اگر میں عمران فاروق کے قتل 

میں ملوث ہوں تو برطانیہ اور پاکستان کی ایجنسیاں ثبوت لا کر میرے خلاف ایکشن 

لیں۔ خالد شمیم کے مجھ پر ڈاکٹر عمران فاروق کے قتل کے حوالے سے الزامات 

مضحکہ خیز ہیں میں نہ کبھی اس سے ملا نہ ہی اسے جانتا ہوں۔ تصویرکے بارے 

میں ایم آئی سکس میں دعویٰ بےبنیاد ہے۔ میں چاہتا ہوں کہ اس معاملہ 

میں ڈاکٹر عشرت حسین سے بھی تحقیقات کی جائیں۔

انہوں نے مزید کہا کہ میرے والد نے پاکستان کیلئے جیل کاٹی اور میرے  سسربھی 

 بانیان پاکستان میں شامل تھے ۔ حقائق سامنے لانے کیلئے پاکستانی حکام کے 

ساتھ ہر قسم کے تعاون کرنے کو تیار ہوں۔ میں نے ہمیشہ پاکستان کی خدمت کرنے  

کی کوشش کی۔انہوں نے کہا کہ ڈاکٹر عمران فاروق کو ذلیل کر کے پارٹی سے 

نکالا گیا۔ قتل وغارت کے تمام کاموں میں ایم کیو ایم پاکستان ملوث تھی۔ جو کل 

تک  کراچی میں قتل و غارت کرتے رہے آج معززین بنے بیٹھے   ہیں ۔

محمد انور نے کہا کہ یہ میرے لئے ناقابل برداشت ہے کہ  ایم کیو ایم کے پارساؤں 

کی کارستانیوں کا الزام مجھ پر لگایا جائے۔  ایم کیو ایم کو توڑنے کی دشمنوں کی 

خواہش کو بانی متحدہ نے خود پورا کر دیا۔