روایتی بیف شامی کباب اب کوئی مشکل نہیں

اس طریقہ سے تقریبا 4 4 درجن درمیانے درجے کے کباب بنائے جا سکتے ہیں۔ سامان کی تیاری میں تقریبا 1 گھنٹہ لگ جاتا ہےاوران کی تلائی میں 35 سے 45 منٹ لگتے ہیں ۔ خام مال سے کباب تیار کرنے کے بعد انہیں اچھی طرح فریز کرلیں اور جب چاہیں جتنے چاہیں فریزر سے نکال کربغیر کسی انتظار کے تل سکتے ہیں ۔ آپ اسے ناشتہ ، لنچ یا جب بھی آپ کا دل چاہے کھا سکتے ہیں ۔ ان مزیدار کبابوں کو سلائس کے درمیان رکھ کر اوپر سے کیچپ ڈالیں اور مائنیز ڈال کر کھائیں۔ بچے انہیں لنچ میں بہت پسند کرتے ہیں ۔

شامی کباب بنانے کے اجزا               

           

گائے کا گوشت ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ 1 کلو

دال چنا رات بھر بھیگی ہوئی۔۔۔۔۔۔۔۔۔۔۔۔۔۔۔۔۔۔۔۔ 1 کپ

پانی ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ 4 کپ

چھوٹے سائز کی باریک کٹی پیاز ۔۔۔۔۔۔۔۔۔۔۔ 1 عدد

نمک ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ 2 چائے کے چمچ

گرم مصالہ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ 1 چائے کا چمچ

سبز دھنیہ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔2 چمچ

سرخ مرچ پاوڈر۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ 3 چائے کے چمچ

پسی ہلدی ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔1 چائے کا چمچ

ثابت زیرا ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ 1 چائے کا چمچ

ادرک پیسٹ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ 1 چائے کا چمچ

سبز مرچ درمیانے سائز کی ۔۔۔۔۔۔۔۔۔۔۔۔۔۔۔۔۔۔۔۔۔ 5 عدد

لیموں کا رس ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔5 چائے کے چمچ

انڈے ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ 2 سے 3 عدد

:طریقہ

ہلکی آنچ پرایک بڑی کڑاھی میں 4 کپ پانی ڈال کررکھ دیں۔ اس کے بعد پین میں گائے کے گوشت اور چنے کی دال ڈال دیں۔ اس کو اچھی طرح ہلائیں اور کٹی ہوئی پیاز ، ادرک کا پیسٹ ، ہری مرچ ، نمک ، گرم مسالہ ، دھنیا ، سرخ مرچ پاؤڈر ، کٹی ہوئی سرخ مرچ ، ہلدی پاؤڈر ، زیرہ اور لیموں کا رس ڈال دیں۔ جب پانی ابلنے لگےتو کڑاھی کو ڈھکن سے ڈھانپ دیں اور درمیانی آنچ پر تقریبا 35-45 منٹ تک پکنے دیں۔ درمیان میں وقفہ سے اسے تھوڑی تھوڑی دیر بعد ہلاتے رہیں تاکہ پیندے سے نہ لگے ۔ جب پانی مکمل طور پر خشک ہو جائے تو پین کو چولہے سے اتاریں اور مکسچر کو مکمل ٹھنڈا ہونے دیں۔ مکمل طور پر ٹھنڈا ہونے میں کچھ وقت لگے گا۔ ایک بار جب یہ مکمل ٹھنڈا ہوجائے تو اسے ایک چاپر میں ڈال کر 3 انڈے مکس کردیں یہاں تک کہ یہ مکمل طور پرمکس ہو جائیں۔ اب اسے ایک پیالے میں نکال لیں اور درمیانے سائز کے بال بنا کر دونوں ہتھیلوں سے دبائیں۔ اس طرح تمام کباب تیار کرلیں اورانہیں فریزر میں رکھ دیں۔ جب اور جتنے بھی کبابوں کی ضرورت ہو نکالیں اور فرائی کریں